Baiterek News (baitereknews) instagram фото и видео

Baiterek News

Количество подписчиков: 1,250
Место в рейтинге подписчиков: 0
Количество лайков на постах: 9,438
Место в рейтинге лайков: 0

🆕Ақмола облысының Ольгинка ауылында Сібір жарасына байланысты карантин жарияланды. Ветеринарлық қызмет осы дертке шалдыққан малдардың денесін жойып жатыр, деп хабарлайды "Көкшетау Азия"ақпарат агенттігі. "Аршалы ауданы Михайлов ауылдық округіндегі Ольгинка ауылында карантин бекітіледі. Ольгинка ауылындағы тұрғындар малының сібір жарасына шалдығуына қатысты болжам зертханада тексерілді", - деп жазылған ауыл әкімінің шешімінде.

Ветеринарлық зертхананың сараптама қорытындысы 16 тамыз күні белгілі болды. Сүт және ет сынды қауіпті болуы мүмкін өнімді ауылдан шығаруды немесе ауылға әкелуді тоқтату шаралары жүргізіліп жатыр.

Сондай-ақ, әр үйдегі төрт түлік тексеріледі. Полиция бекеттері орнатылған. Осы дертке шалдықты деген қауіпке ілінген малдың денесі жойылып жатыр.

Сібір жарасы - мал және жабайы жануардың бациллус антрацис микробы коздыратын аса қауіпті жұқпалы ауру.
sputniknews.kz
 18 августа 2019 г.
🆕Алматы облысы Қапшағай қаласының маңында магнитудасы 4.9 жер сілікінісі болды. Қираған үйлер мен зардап шеккен адамдар туралы хабар түскен жоқ.

Жер сілкінісі жергілікті уақытпен сағат 09:12 шамасында болған. "Жер сілкінісінің ошағы Алматыдан 78 шақырым жерде Қапшағай қаласының маңында болған. Жер сілкінісінің энергетикалық класы – 9.6. Магнитуда MPV - 4.9. Тереңдігі – 20 шақырым. Қапшағай қаласында 2-3 балл болып сезілді (МSК-64 шкаласы бойынша)", - деп хабарлады өңірдің төтенше жағдайлар жөніндегі департаменті.

Жергілікті атқарушы билік, төтенше жағдайлар бөлімдері, полиция департаменті, прокуратура сынды ұйымдарға хабар берілді. Қираған ғимарат пен зардап шеккен адамдар туралы хабар түскен жоқ.

Бұған дейін сейсмологтар Алматы облысында екі жер жер сілкінгенін айтқан болатын. Біріншісінің магнитудасы - 5,4. Ол таңғы 05:07 кезінде Алматыдан солтүстік-шығысқа қарай 245 шақырым жердегі Панфилов ауданында болған. Екіншісі таңғы 06:38-де Алматы қаласынан солтүстік-шығысқа қарай болды. Магнитудасы 4,6 болған.
sputniknews.kz
 18 августа 2019 г.
🆕Жәнібек Әлімханұлы канадалық Стюарт Маклелланмен (27-3-3, 11 КО) кездесу өткізді. Он раундтық жекпе-жектің бесінші раундында жерлесіміз қарсыласын нокаутқа түсірді, деп хабарлайды Sports.kz.

Нокаутқа дейін Әлімханұлы канадалықты екі рет нокдаунға жіберген болатын.

26 жастағы қазақстандық үшін бұл кәсіпқой рингтегі жетінші жеңісі. Ал қарсыласы төртінші рет жеңіліп отыр.

Айта кетсек, канадалық жекпе-жекке дейін Әлімханұлының комедиялық фильм персонажы Бораттың киіміндегі суретін жариялаған болатын. Кейін қазақстандықтардан кешірім сұрады.

Қазақстандық боксшы өзінің Instagram парақшасында жеңісімен барша қазақ халқын құттықтады. "Бұл менің жеңісім емес, елдің жеңісі. Біздің мақсат – әлемге қазақ стилін танымал ету. 4 салмақта әлем чемпионы атану", - деп жазды спортшы.
sputniknews.kz
 18 августа 2019 г.
Reposted from @janibek_alimkhanuly (@get_regrann) -  Бұл менің емес, елдің жеңісі! Ер – елдікі! Төккен тер ақталып, еңбек жемісін берді. Сіздердей тақым қысар ағайынның барына Құдайға шүкір. Артыңда елің, қасыңда досың болмаса жалғыздың шаңы шықпайды. Мен деген сөз, өзім деген сөзден аулақпын. Осы жеңістен әрқайсыңыздың үлесіңіз бар. Сіздердің қолдауларыңыз демеу, тілеулеріңіз қуат, болысқандарыңыз күш. Жәнібек чемпион болады, осы бала бокс жұлдызы болады деп сенім артып отырғандарыңызды жақсы түсінемін. Сіздердің бұл сенімдеріңіз үлкен жауапкершілік. Біздің де мақсат әлемге қазақ стилін танымал ету. 4 салмақта әлем чемпионы болу. Осы белеске сіздер болып, біз болып жетеміз бұйыртса. Осы жекпе-жекке дайындалуға көмегін берген барлық спарринг қарсылстарыма, бапкерім Баддиға, менеджерім Эгисқа, Промоутерім Бобқа алғыс айтамын. Сондай-ақ жаттығу базасындағы шығындарымызды көтеріп, қолдау көрсеткен “Tas group” басшысы Дулат Тастекеевке де көп рақмет. Істері берекелі болсын. Рингте жалғыз жұдырықтасқаныммен, бокс командалық спорт. Сіздер де біздің командамызсыздар, құрметті жанкүйерлер! Біз әлі 30 күн ойын, 40 күн тойын жасайтын үлкен жеңістерді бірге тойлаймыз, бұйыртса! 
 18 августа 2019 г.
Жеңіс құтты болсын, қазақ елі! 🇰🇿🇰🇿🇰🇿 18 августа 2019 г.
🆕Алматы қаласының әкімі Бақытжан Сағынтаев 17 тамыз күні Әуезов ауданының тұрғындарымен кездесті. Жеті жасар Дамир Сыздықов та анасымен бірге кездесуге келген.

Бала Алматыдағы атом электр станциясының құрылысы қай мерзімге жоспарланып отырғанын сұрады. Сондай-ақ, ол қаладағы жылу электр орталығын газға көшіру туралы ұсыныс жасады. Оқушының сауалын естіген жұрт шапалақ соқты. 
Сағынтаев АЭС туралы сауалға жауап берген жоқ, бірақ жылу электр орталығының жағдайы жайлы айтты. "Қала экологиясының жиырма проценті ЖЭО-ға байланысты. Бұл оңай жұмыс емес, қазандықтар жер астында жатыр. Қазір мамандар газ турбиналарын жер астына қоюға бола ма, болмай ма осыны анықтап жатыр. Ол арзан болмайды. Жаңа жылу электр орталығын салуға тура келуі де мүмкін ", -  деді әкім.

Дамирдің анасы Марина Михтаева өзінің  Facebook-тегі парақшасында АЭС туралы жаңалықты баласы телеарналардың бірінен естігенін айтады. 
sputniknews.kz
 18 августа 2019 г.
Түркістан облысындағы Бүргілік ауылындағы лагерь тәрбиешісі төрт баланы ұрып соқты.

Түркістан облысының полиция департаменті Қылмыстық кодекстің 140-бабы 2–бөлігіне сәйкес (кәмелетке толмаған адамды тәрбиелеу жөнiндегi мiндеттердi орындамау) сотқа дейінгі тергеу басталғанын хабарлады. 
Тәрбиешінің кінәсі дәлелденсе, 160 АЕК көлеміндегі (404 мың теңге) айыппұл төлейді немесе 160 сағат бойы қоғамдық жұмыс істеуі тиіс болады. Бес жыл бойы белгілі бір қызмет түрін атқару құқығынан айырылып, 40 тәулікке дейін қамауға алынуы да мүмкін.

Білім және ғылым министрлігі оқиғаға қатысты түсініктеме берді. Министр кеңесшісі Ерболат Мұхаметжан өзінің Facebook-тегі парақшасында мекеме санитарлық-эпидемиологиялық қызмет қорытындысын да алмағанын жазады.

Бұдан бөлек, облыстық білім басқармасының лагерлер тізбесіне енбеген, яғни білім саласына қарасты мекеме емес, жекеменшік демалыс үйіне жатады. "Сұңқар" демалыс орны мемлекеттік сатып алу конкурсына қатысып, ағымдағы жылдың жаз айларында Түлкібас ауданынан 800-ден астам оқушы, Шардара ауданынан 50 бала демалған. Ендігі кезекте, сәйкес құжаттары болмай, демалыс базасының конкурсты қалайша ұтып алғаны зерттелетін болады", - деп жазды министр кеңесшісі.

Түркістан облысы әкімінің кеңесшісі Сәкен Қалқаманов өзінің Facebook-тегі парақшасында оқиға жайлы бала құқықтары жөніндегі уәкіл Аружан Сайынға хабарлағанын жазды.

Ол комиссия тексеріс барысында 2004 және 2005 жылдары туған жасөспірімдер 18 жастағы тәрбиеші душқа түсіп жатқан кезде сығалап тұрғанын айтты. Мұны көрген қыз балаларды ұрып-соға бастаған. Жағдайды жасөспірімдердің бірі видеоға түсіріп, WhatsApp арқылы таратқан. "Жасөспірім видеоны өзінің ата-анасына жіберген. Балаларда сырт көзге ешбір жарақат байқалмайды. Сот-медициналық сараптама тағайындалды ", - деді Аружан Сайын.
sputniknews.kz

 17 августа 2019 г.
🆕Қазақстан еңбек және халықты әлеуметтік қорғау министрлігінің хабарлауынша, елде 21 мыңға жуық отбасы табысы төмен және мұқтаж жанұяларға ғана берілетін атаулы әлеуметтік көмекті (АӘК) заңсыз алу үшін өздерінің нақты табысын жасырған.

Министрлік “тексеру барысында кейбір отбасылардың кәсіпкерліктен түсетін табысын төмендеткені, жұмыстарын жасырғаны, комиссиялардың отбасылардың табысын анықтағанда дұрыс жұмыс істегені анықталды” деп мәлімдеді.

Ведомство “Мемлекеттік атаулы әлеуметтік көмек туралы” заңды бұзғандардан жәрдемақыны қайтарып алмақ. Министрлік бұған дейін де елдегі отбасылар АӘК алу үшін өтірік ажырасып жатқанын айтқан.

Биыл 4 ақпанда Астананың Көктал-1 шағын ауданындағы Шыңғыстау көшесінде орналасқан жеке үйдің ауласындағы уақытша баспана өртеніп, бір отбасындағы бес бала опат болған.

Осы оқиғадан кейін көп балалы аналар наразылығы күшейді. 6 ақпанда ел астанасында жүздеген ана жиналып, биліктен жәрдемақы мен жөргекпұлды өсіруді, көп балалы отбасылардың балаларына тегін білім беруді, ана мен баланы тегін емдеуді, баспана алуды жеңілдетуді талап етті.

21 ақпанда сол кездегі Қазақстан президенті Нұрсұлтан Назарбаев премьер-министр Бақытжан Сағынтаев басқарған үкіметті "халықтың жағдайын жақсарта алмады" деп сынап, таратып жіберді. Кейін премьер-министр болып Асқар Мамин тағайындалды.

27 ақпан "Нұр Отан" партиясының съезінде Назарбаев көп балалы отбасылардағы әр балаға 21 мың теңге төленетінін мәлімдеген еді. Осыдан кейін еңбек және халықты әлеуметтік қорғау министрлігі сәуірден бастап тұрмысы төмен отбасыларға атаулы әлеуметтік көмек төлей бастағандарын хабарлаған. Бірақ әйелдер АӘК алу шартының қиындығына шағынады.

Аналар биліктен жәрдемақыдан бөлек баспана мәселесін шешуді талап етеді. 3 маусымда Нұр-Сұлтанда ондаған ана Ақорда мен Үкімет үйі маңына барып, Қазақстан президенті Қасым-Жомарт Тоқаев пен премьер-министр Асқар Маминнің шығуынталап еткен. Билік елдегі баспана мәселесін шешу үшін түрлі жобалар жасалып жатқанын айтады.

Еңбек және халықты әлеуметтік қорғау министрлігінің есебінше, 15 тамыздағы жағдай бойынша 1,8 миллион қазақстандық АӘК алған. Бюджеттен АЭК төлеу үшін 103 миллиард теңге (1 доллар – 387 теңге) бөлінген. 
azattyq.org 17 августа 2019 г.
🆕Түркістан облысының полициясы "лагерьде төрт балаға қол жұмсаған тәрбиешінің" видеосынан кейін тергеу бастады. Бұл туралы Түркістан облыстық полиция департаментінің баспасөз қызметі хабарлады.

Бірнеше күн бұрын әлеуметтік желіде “Сұңқар” лагерінде балаларды ұрып тәрбиелеген” деп аталатын видео тараған. Видеода тәрбиеші кішкентай балаларға қоқаң-лоқы көрсетіп, ұрып жатқаны көрінеді.

Полиция бұл оқиға Түркістан облысы Төлеби ауданындағы “Сұңқар” лагерінде болғанын растады, бірақ қашан болғанын айтпады. Қазір осы жайт бойынша Қылмыстық кодекстің "Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау" бабы бойынша тергеу басталды.

Ал Қазақстан білім және ғылым министрлігінің баспасөз қызметі “Сұңқар” лагері білім саласының мекемесі ретінде лицензия алмағанын хабарлады. “Бұл лагерь емес, жекеменшік демалыс орнына жатады. Денсаулық сақтау департаментінің қорытындысын алмаған. Бірақ соған қарамастан “Сұңқар” демалыс орны конкурсқа қатысып, Түлкібас ауданынан 800-ден астам, Шардара ауданынан 50 баланы қабылдаған. Құжаттары жоқ мекеменің конкурста қалай жеңгені тексеріледі. Қазір тәрбиешінің үстінен қылмыстық іс қозғалды” деп хабарлады білім және ғылым министрлігінің баспасөз хатшысы Ерболат Мұхамеджан.

Қазақстанда бұған дейін де бірнеше тәрбиеші балаларды соққаны үшін іс қозғалған. Мәселен, биыл наурызда Ақтөбе облысында сот балабақшада балалардың құлағынан тартып, күш көрсеткен тәрбиешіні үш жылға педагогикалық қызметтен шектеп, 120 сағаттық қоғамдық жұмысқа тарту туралы үкім кескен.
azattyq.org
 17 августа 2019 г.
🆕Халықаралық армия ойындары – 2019 аясында өткен "Әкери-медициналық эстафета" сайысының марапаттау рәсімі Өзбекстандағы "Фориш" полигонында өтті. Жеті номинацияда қазақстандық әскерилер бес жүлделі орынды жеңіп алды.

Өзбекстанда алғаш рет өтіп отырған "Әскери-медициналық эстафетаға" он екі күн бойы 11 елдің екі жүз шақты әскери медицина қызметкері қатысып, кім мықты екенін анықтады. "Әскери-медициналық эстафета" халықаралық жарысының баспасөз орталығы хабарлағандай, барлық номинация қорытындысы бойынша бірінші орынды Өзбекстан жеңіп алды. Бірақ жекелеген номинацияларда басқа елдің әскерилері де үздік атаныпты.

Мәселен, "Жеке шеберлік" номинациясында әйелдер арасында қазақстандық аға лейтенант Ақбөпе Таңатарова бірінші орын алды.

Дәл осы номинация бойынша ерлер арасынан Қазақстанның аға лейтенанты Нұржан Қапезов үшінші орынға табан тіреген. Мұнда бірінші орынды Өзбекстан, күміс жүлдені Ресей қанжығасына байлады.

Тағы бір қола жүлде "Командалық біріншілік" жарысында қазақстандық аға лейтенант Нұржан Қапезовке, сержант Бексұлтан Тоқтаровқа, және капитан Нұржан Таупықовқа бұйырды. Бұл номинацияда қыздарымыз да үздік ойын өрнегін көрсетті – аға лейтенант Ақбөпе Таңатарова, ефрейтор Айгерім Қалиева және 3-класс сержанты Полина Саутиева екінші орын иеленген. "Үздік көлік жүргізуші" жарысында біздің әскерилер тағы бір үшінші орынды алды, мұндағы басты қаһарман – ефрейтор Ерлан Жылгелдиев.

Сөйтіп, "Халықаралық жарыстар жеңімпазы" финалдық номинациясында Өзбекстан бірінші орынды,  Қазақстан екінші орынды, ал Ресей үшінші орынды жеңіп алды.
sputniknews.kz

 17 августа 2019 г.
🆕Алматыда басбұзарлардан таяқ жеген қоқыс жинаушының енді әйеліне қоқан-лоққы жасалып жатыр. Бибігүл Әлішерова өзіне біреулердің қоңырау шалып, күйеуін өлтіріп, ал өзін зорлап кетеміз деп қорқытқанын жеткізді.

Балағат сөзге толы әңгіме жазылып та қалған. Ал осы оқиғаға қатысты бүгін алдын ала сот процесі басталуы керек болатын. Бірақ, басты күдіктінің адвокатының келмеуіне байланысты, іс басталмай жатып, кейінге қалды.

Үстінен іс қозғалып жатса да, күдіктінің ойында он тиын жоқ. Екі қолы қалтада, ал аузында сағыз. Тек оның өзі ғана емес, адвокаты да сотқа немқұрайлы қарайтын сияқты. Олай дейтініміз, "сот отырысы болады" деп 10 күн бұрын хабарланғанына қарамастан, қорғаушысы "қолым бос емес" деп судьяға сәлем айтып жіберді. "Сот алдында жауап беремін деп ойламадым" деген күдіктінің сөзіне судья да, прокурор да таңғалды. Ал жігіттің шашбауын көтеріп келген туыстары ұлдарының кінәсіздігін айтып, сот алдында шатақ шығарды. "Сіздерге сенсация ғана керек пе? Неге менің баламның төбелесуге емес, ажыратуға бара жатқанын көрсететін видеоны салмайсыздар? Тек соңын саласыздар. Неге?". Айтуларынша, ұлдары керісінше төбелескендерді ажыратып жүр екен. Ал оңбай таяқ жеген қоқыс жинаушы оның жұдырығына өзі кез болған. Таспадағы төбелесті өздерінше талдаған тарап сұхбат беруден бас тартты.

Зардап шеккен Сырлан Омаровтың әйелі өзін қоярға жер таппай жүр. Оның айтуынша, өзіне де әлдебіреулер сес көрсетіпті. Түн ортасында қоңырау шалғандар күйеуі екеуінің де жазасын беретінін айтқан. "Маған неше түрлі балағат сөз айтты. "Күйеуіңізді өлтіріп, контейнерге салып кетемін. Тағы өзіңді көрген жерімде зорлап кетемін. Қолыңнан не келеді?" деді. Менің аузыма тіпті сөз түспей қалды. Көзіме жас тығылды. Ары қарай не боларын білмеймін енді. Кәдімгідей қорқып қалдым. Мен шок болдым. Мұндай жағдай басымыздан өтпеген. Анандай сөздер сүйегімнен өтіп кетті, шыны керек", - дейді Бибігүл Әлішерова.

Күйеуін таяқтаған күдіктілер бостандыққа жіберілген күні келіншек ұялы телефонына дыбыс жазатын қосымша орнатып алған. Соның арқасында бұзақылардың әңгімесі жазылып қалған. Сотты тоқтатуды талап етіп, қоқаң-лоққы көрсеткендерді қазір полицейлер анықтап жатыр.
sputniknews.kz 17 августа 2019 г.
🆕"Елбасы жолы" киноэпопеясында Нұрсұлтан Назарбаевты сомдаған актер Нұрлан Әлімжанов мәжіліс депутаты атанды, деп хабарлайды Қазақстанның тұңғыш президенті – Елбасының ресми сайты. "Саяси кеңестің бюро отырысында Nur Otan партиясының тізімі бойынша парламент мәжілісі депутаттарының мандаттарын Гүлшара Әбдіқалықоваға, Нұрлан Әлімжановқа, Нұржан Әшімбетовке және Жұлдыз Омарбековаға беру туралы шешім қабылданды", - делінген хабарламада.

Жаңа депутаттар туралы не білеміз

Гүлшара Әбдіқалықова 1965 жылы 15 мамырда туған. Еңбек және халықты әлеуметтік қорғау министрі қызметін атқарды. Қазақстанның оныншы мемлекеттік хатшысы болды. 2019 жылдың 25 ақпанынан премьер-министрдің орынбасары болды.

Нұрлан Әлімжанов 1984 жылы 29 сәуірде өмірге келді. Белгілі театр және кино әртісі, сазгер және орындаушы, тележүргізуші. "Елбасы жолы" киноэпопеясында Нұрсұлтан Назарбаевтың рөлін сомдады. 2013 жылы "Қазақстанның еңбек сіңірген қайраткері" құрметті атағын алды.

Нұржан Әшімбетов 1969 жылы 26 маусымда туған. Екібастұз қаласының бұрынғы әкімі.

Жұлдыз Омарбекова 1983 жылы 24 қыркүйекте дүниеге келді. Қоғамдық даму вице-министрі қызметін атқарды, Қазақстан президенті жанындағы әйелдер істері және отбасылық-демографиялық саясат жөніндегі ұлттық комиссияның мүшесі болды. Белгілі қазақстандық филантроп, журналист, "Бауыржан" қайырымдылық қорының негізін қалаушы және президенті. Әлеуметтік ғылымдар кандидаты.
sputniknews.kz

 17 августа 2019 г.

Подпишись на наши уведомления

Вступай в сообщество пользователей с самыми свежими новостями из всех социальных сетей!